反剝削而剝削學生 反獨裁的獨裁老師

今日又被某老師激嬲。
本身今日冇補課,但係佢放學嗰陣叫同學留低,令同學們百思不得其解,睛天霹靂。於是有好心嘅同學提醒佢記錯補課時間,以求「解脫」,誰知佢話橫掂都係留低,繼續補課,仲話唔係講好耐。嗰刻,大家心裏面除左「講呢啲」之外,都唔知講咩好。重點係:佢補課即係馬照跑、舞照跳、刀照磨、野照片。不過今次唔同,平時係凌遲處死,一刀一刀逐忽逐忽肉咁令人由淺入深咁死,不過都起碼知道自己會死。而今次好似一個人行行吓街望到身上中槍咁,無喇喇比人掃死左。好,無喇喇留堂都唔緊要,但佢留左我地成70分鐘,嗰吓都真係幾嬲。另外,佢話學生娛樂唔好咁冇意義,又要人聽D唔知乜鬼歌,哂我地D時間,講到自己嗰套先係真正嘅娛樂、真正嘅學習、真正嘅態度......
咁,佢同獨裁者有乜分別?
第一,我唔係話唔比佢去留學生堂,佢咁鐘意留人堂咪日日留囉,咁我至少有個心理準備,做好時間分配。唔係好似而家咁話留就留,毫不尊重學生,你估你失驚無神話留堂我一定得閒?一個老師連這些基本嘅通知都唔做,仲大條道理話自己啱?成績唔好就真係要乜野尊嚴都冇哂?一個老師如果連補課咁大件事都可以我行我素,學生連知道補課時間的權利都可以扼殺埋的話?咁佢同中共政府無喇喇去拆人屋有乜分別?
第二,當佢知道自己要額外補課,除左唔通知之外,佢仲要留你七十分鐘,仲冇向學生道歉,鬧到你體無完膚。七十分鐘入面有三十分鐘都係鬧人,如果佢係咁着重時間,咁就應該早D放人走啦。何必哂三十分鐘聽你鬧人,浪費時間?三十分鐘,我可以去McCafe嘆咖啡,回復精神;三十分鐘,我可以去閱讀,增進知識;三十分鐘,,我可以溫習,以取佳績。只可惜E位老師用三十分鐘去鬧人。仲要落你面嗰隻,唔通ED就係成績差嘅懲罰,成績差嘅同學就係罪人?E種行為同獨裁者強迫人民利用自己的時間來服務E位獨裁者有乜分別?
最後,佢話聽英文歌睇英文雜誌可以改善英文,E點我同意,,但係你要包裝到ED先係真正的娛樂,我就好唔同意。娛樂E家野因人而異,佢有乜理由咁先入為主,全面否定人地嘅娛樂。娛樂旨在令人放鬆,冇話正確與否,如果佢要連娛樂都要操控我地,咁佢同獨裁者進行思想操控,監控人民有乜分別?
學校是社會的縮影,一個反對共匪黨獨裁,剝削人民的老師。用同樣的方法對待學生,真係非常矛盾而可惡。佢可以雙重標準到泯滅個人原則。對住佢只能唏嘘輕嘆,還望佢下次指罵共黨同毛x西殘酷對待人民之前,望一望自己係點樣對待學生。共匪黨行人民民主專政,意指對無產階級丶小資產階段同民族資產階級行民主。對一切反動反革命分子行獨裁專政。代入番E位老師,我地喺佢眼中一定係反動分子,而佢D教嗰D精英一定係無產階級。唉!世界就是充斥着無數的矛盾,而E位老師對學生正是矛盾的根源。
Share on Google Plus

About Unknown

作者介紹請點上方工具欄「網誌資訊」下「作者」一項
    Blogger Comment
    Facebook Comment

0 意見 :

發佈留言