課室政治(一)

曾經有人講過「平時點解聽唔到你講野嘅」,又的確係,我都唔想喺班房表達意見。廢事有D人話乜野破壞和諧。所以我選擇左用社交網站去表達我對班房嘅事嘅睇法。唔想兜口兜面講某D人唔係代表我冇感覺,呢點請注意。
任何地方都離不開政治,課室亦然。
今次我好認真地想用自己嘅角度睇自己班,純粹自己感覺。你要睇完之後話我點點點,隨便。
喺我眼中,呢個班房嘅氣氛好怪,攻心計極強,一個個虛假嘅笑容,輕浮嘅說話,喺呢個班房完整出現。當然,喺自己群體入面嘅人會自然小小。但我相信實際上仍有不少內部矛盾。接下來三天,我將把以下幾種我眼中嘅課室政治陣營逐一講出,你地自己把自己撥入邊到,悉隨尊便。
1.大家庭(以團結為己任,想將全班人同化,不同化者會被視為反動者;有領導者同埋有權力核心加入)
2.小家庭(以反大家庭為綱,人數較大家庭小,常常被大家庭排擠。但非常願意接受排擠)
3.中立者(冇意見冇立場名節保身嘅人,與世無爭,有人叫就做乜做乜,從來冇自己立場)
4.特殊者(呢類人好少,佢地大家庭同小家庭都有接觸,但亦因此而令自己立場模糊。佢地冇可能中立,因為佢地已經介入哂兩邊,漸漸被孤立)
也許可能我嘅睇法有錯。但班房總有一種暗鬥嘅氣氛。
有人講過,我變左,變得好寸,其實我只係唔爆,「容忍係有限度」當班房有人做野我好睇唔過眼嘅時候。自然會出聲。而我眼中亦都有D人變左,甚至形象破滅。同上學期差別甚巨,但唔緊要,我冇因呢D人變左而放棄友誼,而佢地放棄與否,我無從過問。
我的立場:
我是5C班的一份子
不是5C班大家庭的一份子
我是5C班小家庭的一份子
(明天續)
Share on Google Plus

About Unknown

作者介紹請點上方工具欄「網誌資訊」下「作者」一項
    Blogger Comment
    Facebook Comment

1 意見 :

  1. 哈。整個人類社會都是一般。我已選擇做花生友,及時行樂。人生一瞬,為這些事煩惱簡直是徒費精神、力氣。(雖然依家香港嘅政治我都好睇唔過眼哈哈。我很想聽下網主推翻中共的看法呢。)

    回覆刪除