課室政治(終)

琴日有人問左我一D好高深嘅問題。我認真諗左好耐。或者今日就用呢個話題做總結。
坦白講,呢個人我睇唔出佢會問D咁高深嘅問題。
佢問左我眼中嘅政治觀係乜?
我其實一直主張政治要現實,政治最終目標乃達致民主公平。但如果唔理政局,唔現實只會淪為烏托邦,過分理想主義。咁在上位者又只會睬你都生芒果。因此,如果要達致民主公平必須抗衡霸權,甚至推翻原有政權。另外,亦都要解決人治同利益上嘅障礙先至可以達致民主公平。

喺呢個班房,我認以前的確太理想主義,自從上次選票單野之後,我知道政治現實嘅重要,因為就算我點講點解釋,佢地都係唔係都撻句「你種票」,直情做左萬能key。呢D就係人治嘅威力,將一切合理化。唯我獨尊嘅心態表露無遺。而結果,人治嘅威力亦都將個龍門搬左。最後選舉結果作廢。人選內定。
呢刻我終於發現。只要佢地人多多把口就大哂。你同佢講乜都冇用。所以要現實D,向呢個大家庭作出反抗先至可以有民主公平。如果唔係,民主公平只會被呢個大家庭操控。
接着佢又問我眼中「人」係乜?
呢樣野比政治複雜百幾倍。如果一定要講,我只可以講「人」係獨立嘅個體。

人往往會有不同身份,不同群體。但絕對唔可以事事「跟大隊」,每個人都有獨立思維,理應有自己立場。情感與理念要清晰地分割。如家庭觀念,你可以對家庭有情感,但唔可以俾佢地支配倒自己嘅理念。如果唔係只會淪為扯線公仔。不過喺食古不化嘅中國人社會,往往將情理混為一談。亦的確可悲。
好似身邊有位朋友,佢怕佢阿媽扣佢零用錢而不作反抗。但我成日同佢講:「十幾歲人要識反抗。唔好再俾人指指點點,要有自己立場」我希望呢位朋友真係明白我講嘅野。
一連四日寫左一大堆廢話,唔知讀者點睇,但希望各位可以了解我對呢班嘅觀感,想玩排擠隨便,反正樂意奉陪,我唔需要乜野支持。只係想奉勸大家要「忠於自我,堅守立場。」
Share on Google Plus

About Unknown

作者介紹請點上方工具欄「網誌資訊」下「作者」一項
    Blogger Comment
    Facebook Comment

1 意見 :

  1. 獨立思考是不變的真理。但人是愚昧的,有大部份人都易被煽動,作出不理性行為。我們冇可能FF佢地會有獨立思維。你只能盡力推廣自己的觀點,讓更多人支持你。民主者,多數勝。多者持真理。為自己的真理奮鬥吧。祝你好運。

    回覆刪除