嘩!!佔中又嚟料啦,今次搞「民主登高日」,真係笑大人個口,究竟佔中而家做緊D乜?遲D洗唔洗搞番個「民主中秋晚會」、「民主聖誕團契」?佔中三子又話乜野剃頭抗議人大決定......
我插咗佔中咁耐,見到就只有一次比一次更膠、一次比一次更腐化嘅所謂「爭普選」行為。
中共呢個連殺人都敢做嘅政權,喺佢地眼中佔中只係小兒科。「電子公投」、「毅行爭普選」,甚至到而家「民主登高日」。我都睇唔出佔中對普選做過D乜野,亦唔見得中共有因為佔中而放棄自己嗰套。中共就當睇馬騮戲咁,而家睇到悶仲演化到放D「奸角」同你一齊做呢套馬騮戲。呢套「你做初一,我做十五」嘅馬騮戲。佔中三子仍樂此不疲咁演落去。如果你話張融係「膠」,我可以形容而家香港政局係步入「膠鬥膠」嘅境地。而要去執呢D膠,就係一眾已經被膠化嘅香港人。
早排張融搞817,水份重、買人等等已經不在話下,而我只係諗起呀蔣小姐嘅一番說話。
蔣元秋小姐曾於六四嘉年華晚會後話支那會報大參加人數,更好巴閉咁話維園6個足球場冇可能有18萬人。今次張融817填得滿5個場,但係報25萬人。唔知係筆者D數差,誤會咗呀蔣小姐,定係呀蔣小姐又展開佢嘅舐共真本色呢?
張融嘅「保普選反佔中大聯盟」精采絕倫、拍案叫絕嘅低智抽水事跡。相信大家已經耳熟能詳,隨口都數得出。呢一種愚民手法,啱哂而家人口老化嘅香港,個個上年紀嘅人,自然成為用蛇齋餅粽最容易利誘嘅一群。但年輕一輩,又有冇受愚民嘅一套影響?
佔中行動一直堅持飯民一貫嘅消極抗爭態度,不時搞一D掛「羊頭賣狗肉式」嘅活動,用乜野「民主」、「真普選」等等嘅字眼去吸引人,但做嘅野亦同字眼無關。以「民主登高日」為例,我睇唔出民主同登高有乜關係,唔通用「佔領山頭」做預演?講到尾又咪令無知嘅香港人買一張「民主贖罪券」或「民主代用券」。覺得行個山、毅個行、投個票香港就有民主啦,又或者將依賴「代議士」去爭取。呢D咁可愛天真嘅港豬,不就是飯民苦心栽培嘅「另一種愚民」咩?
面對如此強橫嘅專權共匪,筆者起初以為佔中係一張皇牌,以而家嘅局面,我好肯定咁講,就算你呢一分呢一秒佔領咗個中環,無情嘅中共亦唔會怕你,你唔反共,人地都當你係反動分子。只有飯民同左膠仲會相信中共會改變。你佔中三子玩剃頭抗議,你以為中共會驚?話知你地自宮啦。西藏激進藏獨份子自焚明志中共都未驚過。何況你地只係剃頭。
呢種輕敵嘅心態,又唔係無跡可尋嘅。
前幾日睇到有篇好好笑嘅文叫:「黎智英，陶君行 - 中共在港之心腹大患」如果飯民嘅眼光覺得中共連一個輸過N次立法會選舉、輸埋個區議員、社民連連行委都冇得做嘅陶君行先生都驚嘅話。咁佔中會點?心照啦各位。
0 意見 :
發佈留言